वन मुद्धामा फरार रहेका ६ जना अभियुक्त पक्राउ

३४४ पटक पढिएको

नवलपरासी (पश्चिम):  ईलाका प्रहरी कार्यालय सुनवलले वन मुद्धामा फरार रहेका ६ जना अभियुक्त पक्राउ गरेको छ।

पक्राउ पर्नेहरू नवलपरासी जिल्ला अदालतबाट २०६९ सालदेखि २०७१ सालसम्म बिभिन्न मितिमा फैसला भएका अभियुक्त रहेका छन। उनीहरूलाई सुनवलका बिभिन्न ठाउँहरूबाट पक्राउ गरिएको हो।

निज ५ जना अभियक्तबाट ४ महिना २४ दिन कैद र ८९ हजार ५ सय २७ रुपैंया जरिवाना असुल हुन बाँकी रहेको छ।

पक्राउ गरिएका सबै ६ जना फरार अभियुक्तहरुलाई आवश्यक कारवाहीको लागि आजै  नवलपरासी जिल्ला अदालतमा पेश गरि अदालतबाट लगत अनुसारको कारबाही अगाडि बढाईएको छ ।

जिल्ला प्रहरी कार्यालय तथा मातहत समेतबाट २०७८।०८।२८ गतेदेखि हासम्म बिभिन्न मुद्धाका १५४ जना फरार अभियुक्त जिल्लाको बिभिन्न स्थानबाट पक्राउ गरी आवश्यक कारवाहीको लागि सम्मानित नवलपरासी जिल्ला अदालतमा पेश गरिएको छ ।