नेपालमा थप २७५ जनामा कोरोना संक्रमण पुष्टि

२६२ पटक पढिएको

काठमाडौँ- नेपालमा पछिल्लो २४ घण्टामा २७५ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १५८ जना र एन्टिजेन परिक्षण गर्दा ११७ जना गरि जम्मा २७५ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा ५५५ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९७.८ प्रतिशत रहेको छ । पछिल्लो २४ घण्टामा मृतकको संख्या एक रहेको छ । यस्तै हालसम्म कोरोनाबाट मृत्यु हुनेको संख्या ११ हजार ९३२ रहेको छ ।

पछिल्लो २४ घण्टामा ८ हजार ६२८ जनाले कोरोना परिक्षण गरेका थिए भने एक लाख २२ हजार ४९३ जनाले खोप लगाएका थिए । हाल सक्रिय संक्रमितको संख्या ९ हजार २८० जना रहका छन् ।