पछिल्लो २४ घण्टामा १८० संक्रमित थपिए, ४०० जना संक्रमणमुक्त

२८६ पटक पढिएको

नेपालमा पछिल्लो २४ घण्टामा १८० जनामा कोरोनाभाइरस संक्रमण पुष्टि भएको छ ।

कुल ८ हजार ३४१ जनामा नमुना परीक्षण भएकामा १८० जनामा संक्रमण पुष्टि भएको हो । सोही अवधिमा ४०० जना संक्रमणमुक्त भएका छन्।

यसैबीच पछिल्लो २४ घण्टामा थप एक जनाको मृत्यु भएको छ । यससँगै देशभर कोरोनाबाट मृत्यु हुनेको कुल संख्या ११ हजार ९३६ पुगेको छ ।

हालसम्म देशभर कोरोना संक्रमितको कुल संख्या पीसीआर विधिबाट ९ लाख ७६ हजार ९८४ र एन्टिजेन विधिबाट भएको परीक्षणमा १ लाख ३९ हजार ३८७ जना पुगेको छ । संक्रमितमध्ये हालसम्म ९ लाख ५६ हजार ४१३ जना निको भएका छन् ।  हाल देशभर ८ हजार २३५ जना सक्रिय संक्रमित रहेका छन् ।