शेयर बजारमा ४३.१२ अंकको पहिरो

नेप्से सोमबार ४३.१२ अंकले घटेर २६१०.५९ को बिन्दुमा झरेको छ । आज विभिन्न कम्पनीको ७८ लाख ३४ हजार कित्ता शेयर किनबेच हुँदा ३ अर्ब ६० करोड बढीको कारोबार भएको छ । आज बजार परिसूचकसँगै सबै उपसूचकमा गिरावट भएको छ । विशेष गरेर एमसीसी संसदबाट अनुमोदन भएसँगै हाइड्रोपावरको सेयरमूल्य उच्च वृद्ध हुने हल्ला चलाइएको थियो । तर, आज बजारमा हाइड्रोपावर उपसूचक नै सवार्धिक ३.०९ प्रतिशतले गिरावट भएको छ ।

कारोबार रकममा अपी पावरले लिड गरेको छ । कम्पनीको सर्वाधिक धेरै १६ करोडको कारोबार हुँदा अरुण भ्याली हाइड्रोपावरको  करिब १५ करोड र हिमानलयन डिस्टिलरीको १३ करोड रुपैयाँको सेयर किनबचे भएको छ । आज बजारमा कुल १९१ कम्पनीको सेयर कारोबारमा आएकोमा १८३ कम्पनीको  सेयरमूल्यमा गिरावट भएको छ । यस्तै ७ कम्पनीको सेयरमूल्य वृद्धि हुँदा १ कम्पनीको  स्थिर रह्यो ।