राप्रपाको केन्द्रीय सुशासन विभागको प्रमुखमा ज्ञानेन्द्र शाही मनोनीत

२४१ पटक पढिएको

काठमाडौँ- राष्ट्रिय प्रजातन्त्र पार्टी (राप्रपा) ले पार्टीका प्रवक्ता ज्ञानेन्द्र शाहीलाई केन्द्रीय सुशासन विभागको प्रमुखमा मनोनित गरेको छ। अध्यक्ष राजेन्द्र लिङ्देनले शाहीलाई सुशासन विभागको प्रमुखमा नियुक्त गरेका छन् ।

पार्टी अध्यक्ष लिङ्देनले मंगलवार विभागिय प्रमुखमा मनोनयन गर्दै शाहीले पार्टीको वृहत्तर हितमा कार्य गर्ने विश्वास समेत ब्यक्त गरेका छन् ।

अध्यक्ष लिङ्देनले नवप्रवेशी शाहीलाई फागुन ६ गते मात्रै पार्टी केन्द्रीय सदस्य र प्रवक्ता मनोनीत गरेका थिए। उनी राप्रपाका पाँचौं प्रवक्ता हुन।

शाही ‘हाम्रो नेपाल, हामी नेपाली’ अभियानका संयोजक पनि हुन।