‘एमसीसीको विरोधमा हिंसात्मक गतिविधि नगर्नू’- गृहमन्त्रालय

२४५ पटक पढिएको

काठमाडौँ- गृहमन्त्रालयले एमसीसी विरोध प्रदर्शनका क्रममा हिंसात्मक गतिविधि नगर्न आग्रह गरेको छ ।

गृह मन्त्रालयले हिजो एक विज्ञप्ति जारी गर्दै फागुन ८ गते भएका प्रदर्शनका क्रममा सांसदहरूलाई संसद भवनमा आउन नदिने, पूर्वप्रधानमन्त्री चढेको गाढीमा ढुंगा हान्ने हर्कत भएको उल्लेख गर्दै घटनाको छानबिन भइरहेको जनाएको छ ।

‘यस्ता हिंसात्मक कार्यहरूप्रति नेपाल सरकार भर्त्सना गर्दछ र त्यस्ता घटनामा संलग्न व्यक्तिहरू छानबिनको क्रममा रहेका छन् ।

साथै, यस्ता प्रकृतिका घटनाको नेपाल सरकार गम्भीरतापूर्वक निगरानी गरिरहेको छ,’ गृह प्रवक्ता सहसचिव फणिन्द्रमणि पोखरेलले जारी गरिएको विज्ञप्तिमा भनिएको छ ।