थप ३१२ मा कोरोना संक्रमण पुष्टि, २ को मृत्यु

स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा २५६ जना र एन्टिजन परिक्षण गर्दा ५६ जना गरि जम्मा ३१२ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा ९११ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९७.७ प्रतिशत रहेको छ ।

पछिल्लो २४ घण्टामा मृतकको संख्या २ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ९३० रहेको छ ।

पछिल्लो २४ घण्टामा ८ हजार ६९३ जनाले कोरोना परिक्षण गरेका थिए भने एक लाख ३५ हजार ७९० जनाले खोप लगाएका थिए । हाल सक्रिय संक्रमितको संख्या १० हजार ९० जना रहका छन् ।