पत्रकार महासंघ नवलपुर शाखाले खाद्यान्न वितरण गर्दै मनायो तेस्रो स्थापना दिवस

२७४ पटक पढिएको

नवलपुर-  नेपाल पत्रकार महासंघ नवलपुर शाखाले आफ्नो तेस्रो स्थापना दिवस मनाएको छ।

२०७५ साल फागुन १८ गते शाखाको स्थापना भएको हो। स्थापना दिवसको अवसरमा शाखाद्धारा कावासोती ८ मा रहेको मौलाकालीका अपाङ्ग सेवा संस्थालाई खाद्यान्न सहयोग गरेको छ।

नेपाल पत्रकार महासंघ नवलपुरका अध्यक्ष विरेन्द्र पराजुलीले श्रमजीबीको मुद्दामा महासंघ सधै एक्यबद्ध भई अगाडि बढेको बताए। तत्कालै कावासोतीमा महासंघको भवन स्थापनाका लागि जग्गा प्राप्ती भैसकेको हुँदा उक्त जग्गामा भवन निर्माणका लागि आफू लागि परिरहेको पराजुलीले जानकारी गराए।

समाजमा सकारात्मक सन्देश प्रवाह गर्नका निमित्त स्थापना दिवसको अवसरमा अपाङ्ग सेवा संस्थामा खाद्यान्न वितरण गरिएको नेपाल पत्रकार महासंघ गण्डकी प्रदेशका सदस्य रमेश बस्ताकोटीले बताए।
दोस्रो स्थापना दिवसको अवसरमा गत बर्ष लक्ष्मीनारायण बृद्धाश्रम पिठौलीमा फलफूल वितरण गरिएको पराजुलीले जानकारी गराए। नेपाल पत्रकार महासंघ नवलपुरका सचिव विष्णु गौडेलले कार्यक्रमको सहजिकरण गरेका थिए ।