पश्चिम नवलपरासीको नहरमा एक युवकको शव फेला

२९२ पटक पढिएको

पश्चिम नवलपरासी प्रहरीले नहरमा एक जना  युवकको शव फेला पारेको छ ।

जिल्लाको  प्रतापुर गाउँपालिका – ७ सुर्यपुरा स्थित नेपाल गण्डक प्राधिकरण जल बिद्युत केन्द्र  (पावर हाउस) को पुर्व तर्फ गण्डक नहरमा अन्दाजी २५  बर्षका युवकको शव फेला परेको प्रहरीले जनाएको छ ।
अन्दाजी ५  फिट  ७ ईन्च उचाई भएको, निलो रंगको पाइन्ट लगाएको  शव फेला परे पनि अहिले साँझ सम्म पहिचान हुन नसकेकाले  उल्लेखित हुलिया भएको कसैको आफन्त  हराएको भए प्रहरीमा खबर गर्न त्यहाँका प्रहरी प्रवक्ता डिएसपी प्रेमबहादुर शाहीले अनुरोध गर्नुभएको छ।
नहरमा डुबेको शव  निकाली पोष्टमार्टमका लागि  पृथ्वीचन्द्र अस्पताल परासीमा राखिएको उनले बताए ।