कविता: “बुद्ध र जुन”

रबिन्द्र भक्त श्रेष्ठ

टड्कालो मनको आँखा

झ्याउकिरी स्वर संग

अंधकार,

अन्तरिक्षको गोलार्द्ध वरिपरि

निलाम्य आकाश ओडेर

शान्त पृथ्वी घुमि रहेछ।

सान्त बुद्धत्वको मौन दृश्य

बोकेर

पूर्णीमाको चहकमा

समाहित हुँदा,

सौम्य दृष्टि फिजाई रहेछ।

स्वयम्भूका अन्तर्दृष्टि

शान्त प्रकास हरपल

छरिरहेछ।

क्षितिज वारि पारि समस्त

ब्रम्हाण्ड वरिपरी

पूर्ण बुद्धत्व शान्ति,

त्यो परको क्षितिज सम्म

साम्यक ज्ञान मार्ग

अन्तर दृष्टि पस्किरहेछ !!!

हाल: अमेरिका