आजको मौसम: पहाडी भू-भागमा आंशिक बदली

काठमाडौँ:  हाल देशमा पश्चिमी न्यून चापीय प्रणालीको न्युन प्रभाव रहेको छ।

देशको सुदूर पश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका पहाडी भू-भागमा आंशिक बदली रहि अन्य भु-भागमा मौसम सामान्यतया सफा रहने मौसम पूर्वानुमान महाशाखाले जनाएको छ।

दिउँसो देशको पहाडी भु-भागमा आंशिक बदली रही अन्य भु-भागमा मौसम सामान्यता सफा रहने छ। देशको पहाडी भु-भागका थोरै स्थानमा मेघगर्जन/चट्टयाङ्ग सहित हल्का वर्षाको सम्भावना रहेको छ । गण्डकी प्रदेश, बागमती प्रदेश र प्रदेश १ को उच्च हिमालीको भु-भागको एक दुई स्थानमा हल्का हिमपातको सम्भावना रहेको छ ।