थप ५८ जनामा कोरोना संक्रमण पुष्टि

२२२ पटक पढिएको

काठमाडौं । देशभर आज थप ५८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ५ हजार ४१८ जनाको कोरोना परीक्षण गर्दा पछिल्लो २४ घण्टामा ५८ जनामा संक्रमण पुष्टि भएको हो ।

३ हजार ५३९ जनाको पिसिआर गर्दा ५० र १ हजार ८७९ जनाको एन्टिजेन परीक्षण गर्दा ८ मा संक्रमण देखिएको हो । गत २४ घण्टामा कोरोना संक्रमणबाट मृत्यु हुनेको संख्या शून्य छ ।

त्यस्तै, सोमबार १४८ जना कोरोना संक्रमित संक्रमणमुक्त भएका छन् । हाल देशभर ४ हजार ८१९ जना सक्रिय संक्रमित रहेका छन् ।