म्यादी प्रहरी: नवलपुरमा आज ७०५ जनाको आवेदन, माग संख्याभन्दा ९२५ बढि

४७२ पटक पढिएको

नवलपुर अनलाईन, गैँडाकोट। म्यादी प्रहरीमा नवलपुरबाट मंगलबार (तेस्रो) दिन ७०५ जनाले आवेदन दिएका छन् ।

वैशाख ३० गते हुने स्थानीय तहको निर्वाचनका लागि आवश्यक पर्ने १ हजार ३० जना म्यादी प्रहरीको लागि जिल्ला प्रहरी कार्यालय नवलपुरले चैत्र ६ देखि आवेदन माग गरेको थियो।

सो पदका लागि आइतबार पहिलो दिन ४३० जनाले आवेदन दिएका थिए। दोस्रो दिन महिला २०२ र पुरूष ६१८ सहित ८२० जनाले आवेदन दिएका छन्। आज मंगलबार तेस्रो दिन ७०५ जनाले आवेदन दिएका छन्। जसमध्ये ५४४ पुरूष र १६१ महिला रहेको प्रहरी निरिक्षक सागर पन्तले नवलपुर अनलाइनलाई बताउनुभयो।

यो सहित तेस्रो दिन सम्ममा आवेदन दिनेको संख्या १ हजार ९ सय ५५ रहेको छ। तीन दिनमै नवलपुरमा माग गरिएको म्यादी प्रहरी संख्या भन्दा ९२५ बढिको आवेदन परेको छ।

म्यादी प्रहरीका लागि १८ वर्ष पुरा भई ५४ वर्ष ननाघेका नेपाली नागरीकले नि:शुल्क रूपमा दरखास्त बुझाउन सक्नेछन् । दरखास्त दिन आउँदा नेपाली नागरिकताको प्रतिलिपि र ४ थान पासपोर्ट साईजको फोटो आवश्यक पर्दछ।

म्यादी प्रहरीका लागि चैत ६ गतेदेखि ११ गतेसम्म जिल्ला प्रहरी कार्यालय कावासोतीमा उपस्थित भई दरखास्त दिन सकिनेछ । प्राप्त भएका आवेदनहरूको छनौट चैत्र १६ गतेबाट शुरू हुनेछ। चैत्र २२ गते १ हजार ३० जना म्यादी प्रहरीको अन्तिम नतिजा प्रकाशन गर्नेगरि तयारी भएको गिरीले बताउनुभयो। छनौट भएका म्यादी प्रहरीको लागि चैत्र २८ देखि १५ दिनको तालिम सञ्चालन हुनेछ।