निर्वाचनबारे जानकारी लिन आयोगको ११०२ नम्बर खुला

३१४ पटक पढिएको

काठमाडौँ: निर्वाचन आयोगले आगामी स्थानीय तह निर्वाचनबारे जानकारी दिने उद्धेश्यले ११०२ नम्बर खुला गर्ने तयारी गरेको हो । कल सेन्टर स्थापना गर्ने भएको छ ।

सो नम्बरमा फोन गरेर आगामी चुनावका बारेमा जिज्ञासा तथा प्रश्न सोध्न सकिनेछ। कल सेन्टरमा ६ वटा डेस्क राखिने र एकैपटक १५ वटा फोन उठाउन सकिने ब्यवस्था गर्न लागिएको हो ।

कल सेन्टरको नम्बरमा फोन गरेर मतदाता तथा राजनीतिक दलका नेता÷कार्यकर्ताले सूचना जानकारी लिन सक्ने तथा आचार संहिता उल्लंघनका घटनामा उजुरी दिन सक्ने आयोगको भनाइ छ । यस्तै आयोगले स्थानीय तहको निर्वाचनमा मतदान गर्न आग्रह गरिएको मोबाइल रिङटोन बजाउने तयारी समेत गर्दैछ ।