नवलपुरमा चौथो दिन म्यादी प्रहरीका लागि ५५१ को आवेदन

४५२ पटक पढिएको

नवलपुर अनलाईन, गैँडाकोट। म्यादी प्रहरीमा नवलपुरबाट बुधवार (चौथो) दिन ५५१ जनाले आवेदन दिएका छन् ।

वैशाख ३० गते हुने स्थानीय तहको निर्वाचनका लागि आवश्यक पर्ने १ हजार ३० जना म्यादी प्रहरीको लागि जिल्ला प्रहरी कार्यालय नवलपुरले चैत्र ६ देखि आवेदन माग गरेको थियो।

सो पदका लागि आइतबार पहिलो दिन ४३०, दोस्रो दिन ८२० जना, मंगलबार तेस्रो दिन ७०५ जनाले आवेदन दिएका छन्। आज चौथो दिन ४३७ पुरूष र ११४ महिला सहित जम्मा ५५१ ले आवेदन दिएको प्रहरी निरिक्षक सागर पन्तले नवलपुर अनलाइनलाई बताउनुभयो।

यो सहित चौथो दिन सम्ममा आवेदन दिनेको संख्या २ हजार ५ सय ६ रहेको छ। चौथो दिनसम्ममा नवलपुरमा माग गरिएको म्यादी प्रहरी संख्या भन्दा १४७६ बढिको आवेदन परेको छ।