मनाङमा म्यादी प्रहरीका लागि मागभन्दा ११६ को कम आवेदन

३६१ पटक पढिएको

मनाङ: आगामी वैशाख ३० गते हुने स्थानीय तह निर्वाचनका लागि मनाङ जिल्लामा म्यादी प्रहरीमा माग गरेभन्दा न्यूनले आवेदन दिएका छन् । यही चैत ६ देखि ११ गतेसम्म निवेदन लिने समय रहेकामा मागभन्दा कमले आवेदन दिएका छन् ।

२५८ म्यादी प्रहरी माग गरिएको मनाङ जिल्लामा माग गरिएकोमा जम्मा १४२ जनाले आवेदन दिएका हुन्।

“माग सङ्ख्याभन्दा कमको आवेदन परेकोले विगतको निर्वाचनमा जस्तै छिमेकी जिल्लाबाट ल्याएर माग पूर्ति गर्नुपर्ने अवस्था छ रहेको जिल्ला प्रहरी कार्यालय मनाङका प्रहरी निरीक्षक अर्जुनध्वज अधिकारीले जानकारी गराए।

म्यादी प्रहरीको छनोट प्रक्रिया यही चैत १५ देखि प्रारम्भ हुने, नतिजा चैत २२ सम्म प्रकाशन तथा चैत २८ गतेदेखि प्रशिक्षण सुरु गरिने जनाइएको छ ।