गैँडाकोटको अमरापुरीमा बस र ट्रक ठोक्किँदा १५ जना घाइते

२६३ पटक पढिएको

गैँडाकाेट । पूर्व पश्चिम महेन्द्र राजमार्ग अन्तर्गत नवलपुरको गैंडाकोट नगरपालिका १५ अमरापुरीमा बस र ट्रक ठोक्किँदा १५ जना घाइते भएका छन्।

पश्चिमबाट पूर्वतर्फ आउँदै गरेको ना ५ ख ५९२२ नम्बरको ट्रकमा सोही दिशा (गुल्मीबाट काठमाडौँ) आउँदै गरेको लु २ ख ४२३४ नम्बरको बस ठोक्किँएको इलाका प्रहरी कार्यालय गैँडाकोटले जनाएको छ।

दुर्घटनामा हुँदा बसमा सावर ४० जनामध्ये १५ जना घाइते भएका छन्। घाइतेहरूलाई उपचारको लागि चितवनको भरतपुरस्थित पुरानो मेडिकल कलेज ल्याइएको प्रहरीले जनाएको छ।

दुर्घटनामा परी रूपन्देही, गुल्मी, रोल्पा र अर्घाखाँचीका यात्रुहरू घाइते भएका छन्। घाइतेहरूमध्ये केहीको अवस्था सामान्य छ भने केहीको मध्यम रहेको प्रहरीले जनाएको छ।

ट्रक र ट्रकका चालक भने अस्थायी प्रहरी पोष्ट बेल्डियाको नियन्त्रणमा छन्।