भारतीय ट्रकको ठक्करबाट गैँडाकोटमा एकजनाको मृत्यु

गैँडाकोट नगरपालिका वडा नं. ८ स्थित गैंडाकोट डेरी अगाडि युपी ९३ बि.टी ४७४५ नम्बरको भारतीय ट्रकले ठक्कर दिँदा साईकलका सवार व्यक्तिको मृत्यु भएको हो ।

ट्रकको ठक्करबाट गम्भिर घाईते भएका पुरुषको भरतपुर अस्पतालमा उपचारको क्रममा ज्यान गएको ईलाका प्रहरी कार्यालय गैँडाकोटले जानकारी दिएको छ।

साईकल यात्रीलाई ठक्करदिने सवारी र चालकलाई प्रहरीले  नियन्त्रणमा लिएको छ । मृतक अन्दाजी ५५ बर्षीय पुरुषको अहिलेसम्म पहिचान खुल्न नसकेको प्रहरीले जनाएको छ।