नवलपुरबाट फागुन महिनामा ७७८ ले लिए नयाँ नागरिकता

४६४ पटक पढिएको

नवलपुर अनलाइन:  जिल्ला प्रशासन कार्यालय नवलपुरबाट फागुन महिनामा ७७८ जनाले नयाँ नागरिकता लिएका छन्।

फागुन महिनामा मात्रै ४३० महिला र ३४८ पुरूष सहित ७७८ जनाले नयाँ नागरिकता लिएको सहायक प्रमुख जिल्ला अधिकारी (सूचना अधिकारी) चित्राङ्गत बरालले नवलपुर अनलाइनलाई बताउनुभयो।

फागुन महिनामा नागरिकताको प्रतिलिपि लिनेको संख्या ६७५ रहेको छ। जसमध्ये ३८० पुरूष र २९५ महिला छन्।

त्यस्तै नावालक परिचयपत्र बनाउनेको संख्या ५६ रहेको छ। जसमा २२ महिला र ३४ पुरूष रहेका छन्।

गत माघ महिनामा नयाँ नागरिकता लिनेको संख्या १०१७ रहेको छ भने प्रतिलिपि लिनेको संख्या ५९९ रहेको बरालले बताउनुभयो।