तनहुँमा जंगली च्याउ खाँदा एक जनाको मृत्यु

२८८ पटक पढिएको

तनहुँ– जंगली च्याउ खाँदा तनहुँको म्याग्दे गाउँपालिका-३ धयरेमा एक महिलाको मृत्यु भएको छ ।

जंगली च्याउ खाएर बिरामी भएकी ४७ वर्षीया सुनिमाया थापाको उपचारका क्रममा मृत्यु भएको प्रहरीले जनाएको छ ।

गत चैत १८ गते च्याउ खाँदा बिरामी भएकी उनको उपचारका लागि चैत्र २० गते दमौली ल्याइएको थियो ।

स्वास्थ्यमा सुधार नभएपछि थप उपचारका लागि चैत २३ गते नयाँ मेडिकल कलेज चितवन लगिएको थियो । त्यहाँ उनको उपचारको क्रममा आइतबार मृत्यु भएको हो । च्याउ खाँदा अन्य दस जना बिरामी भएका थिए ।