सशस्त्रका डीआईजी अर्याल एआईजीमा बढुवा सिफारिस

२५५ पटक पढिएको

काठमाडौँ– सशस्त्र प्रहरी बलका प्रहरी नायव महानिरीक्षक (डीआईजी) राजु अर्याल प्रहरी अतिरिक्त महानिरीक्षक (एआईजी) मा बढुवाका लागि सिफारिस भएका छन् ।

आइतबार गृहमन्त्रालयमा बसेकोे बढुवा समितिको बैठकले अर्याललाई एआईजीमा बढुवाका लागि सिफारिस गर्ने निर्णय गरेको हो ।

बढुवाका लागि चार डीआईजीले योग्यताका प्रमाणपत्र पेश गरेका थिए । जसमध्ये वरियताको एक नम्बरमा रहेका अर्याललाई सिफारिस गरिएको हो ।

बढुवाका लागि डीआईजीहरू नारायणदत्त पौडेल, चन्द्रप्रकाश गौतम र बंशी दाहालले पनि प्रमाणपत्र पेश गरेका थिए ।

एआईजीमा बढुवा सिफारिस भएका अर्याल सशस्त्रको भावी आईजीपी बन्ने पनि निश्चित छ ।