जनक मावि प्रकरण: छात्रालाई दुर्व्यवहार गर्ने शिक्षकलाई ७ दिन हिरासतमा राख्न अनुमति

९४० पटक पढिएको

गैँडाकोट:  नवलपुरको गैँडाकोट– ५ स्थित जनक माध्यमिक विद्यालयमा अध्ययनरत एक छात्रालाई विद्यालयका शिक्षकले यौन दुर्व्यवहार गरेको भन्दै शिक्षकविरूद्ध जाहेरी दिएकी छन्।

पीडित पक्षले किटानी जाहेरी  दिएपछि प्रहरीले जिल्ला प्रशासन कार्यालयबाट ७ दिनको म्याद थप आदेश लिएको छ ।

सोमबार जिल्ला प्रहरी कार्यालय कावासोती नवलपुरमा किटानी जाहेरी दिएपछि प्रहरीले म्याद थपको आदेश लिएर थप अनुसन्धान प्रक्रिया आगाडि बढाएको छ ।

विद्यालयको कक्षा १२ मा अध्ययनरत एक छात्रालाई शिक्षक कपिल घिमिरेले ‘पोर्न भिडियो’ देखाएर जबर्जस्ती गर्न खोजेको घटना आइतबार बाहिर आएपछि  विद्यालयमा तोडफोड भएको थियो ।

आज पिडित पक्षले शिक्षकलाई लिखित रुपमा किटानी जाहेरी दिएपछि प्रहरीले म्याद थपको आदेश लिएको नवलपरासी (बर्दघाट सुस्तापूर्व) डिएसपी सन्तोष पाठकले बताए । शिक्षकलाई प्रहरीले आइतबारै नियन्त्रणमा लिएको थियो ।

थप समाचार:

छात्रालाई दुर्व्यवहार गरेको भन्दै गैँडाकोटको जनक मावी तनावग्रस्त