अमेरिकामा १२ औँ तलाबाट खस्दा चितवनका नेपालको मृत्यु

२२४ पटक पढिएको

अमेरिकाको बोष्टनमा १२ औ तलाबाट खसेर एक नेपाली युवाको निधन भएको छ ।

कामको शिलशिलामा दुर्घटना हुँदा बुधबार ३५ वर्षिय दीपक नेपालको मृत्यु भएको हो । क्यामरिज सिटीको हाउजिङ डिपार्मेन्टमा काम गर्दै आएको उनी कामको शिलशिलमा १२ औ तलाबाट खसेको भनिएपनि के कारणले दुर्घटना भएको हो भन्नेबारे स्पष्ट छैन ।

घटनाबारे प्रहरीले अनुसन्धान गरिरहेको जनाइएको छ ।

चितवनको इच्छाकामना ३ तुम्लिङटारका दीपकका श्रीमती तथा पाँच र दुई वर्षका दुई छोरी छन्। दीपकका आमा बुबा पनि बोस्टनमा सँगै बस्दै आएका छन् । उनी डिभि परेर सन् २०१२ मा अमेरिका आएको जनाइएको छ ।