बलात्कार गरेको आरोपमा म्यादी प्रहरी पक्राउ

४२२ पटक पढिएको

काठमाडौं: बलात्कार गरेको आरोपमा एक म्यादी प्रहरीलाई प्रहरीले पक्राउ गरेको छ।

कागेश्वरी मनोहरा नगरपालिका–८ स्थित अस्थायी प्रहरी पोस्ट कृष्ण मन्दिर काँडाघारीमा कार्यरत १८ वर्षीय हिमाल विष्टलाई बलात्कारको आरोपमा प्रहरीले पक्राउ गरेको हो।

कैलाली घर भई काठमाडौं–१६ रानीबारीमा भाडामा बस्ने करिब १७ वर्षीया किशोरीलाई बलात्कार गरेको आरोपमा उनलाई पक्राउ गरि थप अनुसन्धान भैरहेको प्रहरीले जनाएको छ।