महेन्द्र स्मारक स्कुलमा भोलि नि:शुल्क स्वास्थ्य शिविर संचालन हुँदै

३९३ पटक पढिएको

गैँडाकोट नगरपालिका वडा नं. २ को आयोजनामा निःशुल्क स्वास्थ्य शिविर संचालन हुने भएको छ।

महेन्द्र स्मारक आधारभुत विद्यालय शिलान्यास चोकमा भोलि जेठ २१ गते शनिवार बिहान बिहान ७ बजे देखी दिनको १२ बजे सम्म शिविर संचालन हुने गैँडाकोट नगरपालिका वडा नं. २ का वडाध्यक्ष प्रकाश सापकोटाले बताउनुभयो।

नि:शुल्क संचालन हुने स्वास्थ्य शिविरमा महिला सम्बन्धी रोगको उपचार, बालबालिका सम्बन्धी रोगको उपचार, हाड जोर्नी सम्बन्धी रोगको उपचार, जनरल फिजिसियन सम्बन्धी रोगको उपचारको जाँच गरिनेछ।

सुगर प्रेसर तथा अन्य रोगहरुको निःशुल्क औषधी वितरण गरिने वडाध्यक्ष सापकोटाले जानकारी गराउनुभयो।