नारायणगढ देखि बुटवलको नयाँ भाडा ३३० रूपैँया

९९७ पटक पढिएको

काठमाडौं । सरकारले सार्वजनिक सवारीको भाडा घटाएको छ। इन्धनको भाउ घटेको भन्दै यातायात व्यवस्था विभागले सार्वजनिक सवारीको भाडा घटाएको हो ।

यातायात व्यवस्था विभागका अनुसार  पेट्रोलियम पदार्थमा मूल्य घटेसँगै सार्वजनिक सवारीसाधनको भाडा पनि घटेको हो ।

आजदेखि लागू हुने गरी यात्रुबाहक सवारी साधनको भाडा ५.४१ प्रतिशत, पहाडी बाटोमा सञ्चालन हुने मालबाहक सवारी साधनको भाडा ६.९७ प्रतिशत र तराईंको बाटोमा सञ्चालन हुने मालबाहक सवारी साधनको भाडा ७.६८ प्रतिशतले घटाएको छ ।

त्यस्तै नारायणगढदेखि बुटवलसम्म ११४ किलोमिटरको ३३० रुपैयाँ रहेको छ । डिलक्स बसमा भने तोकिएको भाडामा २० प्रतिशत थप लाग्ने सरकारले जनाएको छ। यसभन्दा अगाडि बुटवल नारायणगढको एकतर्फी भाडा ३४९ रूपैँया कायम गरिएको थियो।