राजापुर गाउँपालिका र हुप्सेकोट गाउँपालिकाबीच अनुभव आदान प्रदान

३७६ पटक पढिएको

बिष्णु गौडेल, कावासोती। दाङको राजापुर गाउँपालिका अध्यक्ष सहितको टोलीले हुप्सेकोट गाउँपालिकाको अवलोकन गरेको छ ।

गाउँपालिकाको विकास निर्माण, सेवा प्रवाह लगायतका विषयमा अवलोकन गर्न राजापुर गाउँपालिकाका अध्यक्ष सरद कुमार बुढाथोकी सहितको टोलीलाई हुप्सेकोट गाउँपालिका अध्यक्ष लक्ष्मी देवी पाण्डेले स्वागत गर्नु भएको थियो ।।

हुप्सेकोट गाउँपालिकाले सञ्चालन गरेका गतिविधिको स्थलगत रुपमा निरिक्षण गरी अनुभव आदान प्रदान गरिएको अध्यक्ष सरद कुमार बुढाथोकीले बताउनुभयो ।

दुई पालिकाबीच अनुभव आदान प्रदान तथा सहकार्यका बिषयमा निरन्तर संवाद र छलफल गर्ने गरी अगाडि बढ्ने समझदारी भएको छ ।

भौगोलिक र जनसंख्याको बनोटको दृष्टिकोणले दुवै पालिका उस्ता उस्तै रहेकाले पनि विकाश र सेवा प्रवाहमा समान चुनौतिहरु देखिने हुँदा एक अर्काको अनुभवले सहजता हुने हुप्सेकोट गाउँपालिकाकी अध्यक्ष पाण्डेले बताउनुभयो ।

राजापुर गाउँपालिकाबाट आउनु भएका गाउँपालिका अध्यक्ष सरद कुमार बुढाथोकी ,चन्द्रकान्त पोख्रेल, वडा अध्यक्षहरु ओम प्रकाश यादव र श्याम बहादुर रोका सहितको टोलिले हुप्सेकोट गाउँपालिका अध्यक्ष लक्ष्मी देवी पाण्डे , उपाध्यक्ष पुर्ण सिंङ राना, प्रमुख प्रशासकीय अधिकृत सुरेन्द्र बस्याल, वडा अध्यक्षहरुसंग अन्तक्रिया गर्नु भएको थियो ।