गैँडाकोटमा म्याजिकसँग मोटरसाइकल ठक्कर खाँदा ३ जना घाईते

२३५ पटक पढिएको

गैँडाकोटमा म्याजिकसँग मोटरसाइकल ठक्कर खाँदा ३ जना घाईते भएका छन्।

थुम्सीबाट भरतपुरका लागि छुटेको म्याजिक भ्यानलाई विपरीत दिशाबाट आएको मोटरसाईकलले ईलाका प्रहरी कार्यालय अगाडी राजमार्गमा ठक्कर दिएको थियो।

मोटरसाइकल चालक गैँडाकोट वडा नं. १ बस्ने बर्ष २८ का कुमार परियार र मोटरसाइकलमा सवार  सोही स्थान बस्ने बर्ष २६ का समिर परियार रहेका छन्।

मोटरसाइकलमा सवार दुबै जना घाइतेलाई उपचारका लागि सिएमसी अस्पताल पठाईएको ईलाका प्रहरी कार्यालय गैँडाकोटका प्रहरी निरिक्षक प्रशान्त श्रेष्ठले नवलपुर अनलाइनलाई बताउनुभयो।

म्याजिकमा सवार सोही वडा बस्ने लक्ष्मी दर्जीलाई समेत हातमा सामान्य चोट लागेको छ। म्याजिक चालकलाई नियन्त्रणमा लिई थप अनुसन्धान भैरहेको प्रहरीले जनाएको छ।