नवलपुरमा म्यादी प्रहरीका लागि २ हजार १ सय ५७ को आवेदन

२२८ पटक पढिएको

नवलपुरमा म्यादी प्रहरीका लागि २ हजार १ सय ५७ ले आवेदन दिएका छन्।

आगामी मंसिर ४ गते हुने  प्रतिनिधि सभा र प्रदेश सभाको निर्वाचनका लागि नवलपुरमा म्यादी प्रहरीमा २ हजार १ सय ५७ जनाले आवेदन दिएको जिल्ला प्रहरी कार्यालय नवलपुरका सूचना अधिकारी सन्तोष पाठकले  बताउनुभयो। आवेदन दिनेमा अधिकांश २० देखि २५ वर्षका युवाहरू रहेका छन्।

बिहीबार ७ गतेसम्म २ हजार १ सय ५७ जनाले आवेदन दिएका हुन्। आवेदन दिनेहरूमा १ हजार ५ सय ४४ पुरुष र ६ सय १३ जना महिला रहेका छन्। जसमध्ये म्यादी प्रहरीका लागि आवेदन दिनेमा ५ सय ७४ जना पुर्व म्यादी प्रहरी र २३ जना पुर्व सुरक्षाकर्मी समेत रहेको पाठकले बताउनुभयो।

म्यादी प्रहरीमा आवेदन दिएकाहरुको भाद्र ९ गते देखि छनौट प्रक्रिया सुरु हुने छ।

सम्बन्धित समाचार:

नवलपुरमा म्यादी प्रहरीका लागि आजदेखि आवेदन दिन सकिने