चलचित्र लाखेको गीत ‘तिम्रो पिरेम’ सार्वजनिक

आईतवार काठमाडौंमा एक कार्यक्रमका बीच चलचित्रको ‘तिम्रो पिरेम’ बोलको गीत सार्वजनिक भएको हो । आगामी कात्तिक १८ गतेबाट देशभरका सिनेमाघरमा प्रदर्शनमा आउन लागेको चलचित्र लाखेमा  सौगातमल्ल, अनुपविक्रम साही, वर्षा राउत, आर्यन अधिकारी, सुशील सिटौला, प्रशान्त ताम्राकार,अर्पण थापा, रोहित रुम्बा, सञ्जोग राणा लगाएतको अभिनय रहेको छ ।

सिजन अर्यालको कथा रहेको यस चलचित्रमा निर्माता पनि आर्याल नै रहेका छन् । निर्देशक सम्राट बस्नेतलेनिर्देशन गरेको यस चलचित्रमा हरिमल्ल ठकुरी कार्यकारी निर्माता रहेका छन् । कार्यक्रममा बोल्दै अभिनेता अनुपविक्रम साहीले चलचित्र राम्रो बनाउन सबै कलाकारहरुले मिहेनत गरेर काम गरेकाले चलचित्र चल्नेमा ढुक्क रहेको बताउनु भयो । त्यस्तै अभिनेता अर्पण थापाले चलचित्रले राम्रो माया पाउनेमा आफू आशावादी रहेको बताउनु भयो । न्यूज एजेन्सी नेपालबाट