जोशीको निधनको शोकमा भोलि सार्वजनिक बिदा

२४३ पटक पढिएको

काठमाडौं। वाङ्मय शताब्दी पुरुष सत्यमोहन जोशीको निधनको शोकमा सरकारले भोलि सार्वजनिक बिदा दिने निर्णय गरेको छ । सरकारले जोशीको निधनको शोकमा भोलि कात्तिक १ गते सार्वजनिक बिदा दिने भएको हो ।

गृह मन्त्रालयका प्रवक्ता फणिन्द्रमणि पोखरेलले आज सोमबार एक विज्ञप्ति जारी गरी १ कात्तिक मंगलबार देशभर सार्वजनिक बिदा दिने निर्णय भएको जानकारी दिए ।

यसअघि संस्कृति, पर्यटन तथा नागरिक उड्डयनमन्त्री जीवनराम श्रेष्ठले आइतबार ललितपुरको ग्वार्कोस्थित किस्ट मेडिकल कलेज पुगेर जोशीको पार्थिव शरीरमा अन्तिम श्रद्धाञ्जली अर्पण गर्दै जोशीको निधनमा सरकारले शोक व्यक्त गर्दै एकदिन सार्वजनिक बिदा दिने घोषणा गरेको बताएका थिए।