गैंडाकोट जेसीजको आयोजनामा मैत्रीपूर्ण फुटबल सम्पन्न

पछिल्लो समय बृक्षारोपण तथा रक्तदान लगायतका सामाजिक उत्तरदायित्व सम्बन्धी कार्यक्रमहरू गर्दै आईरहेको गैंडाकोट जेसीजले बुधबार मैत्रीपूर्ण खेल आयोजना गरेको हो।

स्वास्थ्यका लागि खेल भन्ने नारा सहित गैंडाकोटमा रहेर बिभिन्न संचार माध्यममा कार्यरत पत्रकार तथा गैंडाकोट जेसीजबिचको मैत्रीपूर्ण फुटबल आयोजना गरेको थियो।

प्रतियोगितामा गैंडाकोट जेसीज समूहले पत्रकारको समूहलाई १ का विरुद्ध ३ गोल गर्दै जित सुनिश्चित गरेको थियो । देशभर जेसीज सप्ताह २०२२ को उपलक्ष्यमा जेसीजले बिभिन्न कार्यक्रमहरू गर्दै आईरहेको छ।

कार्यक्रम शाखाका अध्यक्ष शंकर अधिकारीको सभापतित्वमा सम्पन्न भएको थियो भने शाखाका पूर्व अध्यक्षहरु, पत्रकार, समाजसेवी, जनप्रतिनिधि लगायत स्थानीयहरूको बाक्लो सहभागिता रहेको थियो।