नवलपुरमा १ हजार २ सय ८६ म्यादी प्रहरी निर्वाचन सुरक्षामा खटिँदै

२२६ पटक पढिएको

प्रकाश भण्डारी। मंसिर ४ गतेको निर्वाचनका लागि नवलपुरमा १ हजार २८६ जना म्यादी प्रहरी परिचालन हुने भएका छन् ।

नवलपुरको ११३ मतदानस्थल र ३०२ मतदान केन्द्रमा सुरक्षाका लागि यी म्यादी प्रहरी खटिने छन् ।
म्यादी प्रहरी छनौट कार्य सम्पन्न गरी उनीहरूका लागि १० दिने तालिम समेत सञ्चालन भइरहेको जिल्ला प्रहरी कार्यालय नवलपुरका प्रहरी उपरीक्षक सन्तोष पाठकले नवलपुर अनलाइनलाई बताउनुभयो।

नवलपुरका गैंडाकोट, रजहर, दुम्किबास, डेढगाउँ लगायतका ईलाका प्रहरी कार्यालय र जिल्ला प्रहरी कार्यालयमा म्यादी प्रहरीको तालिम चलिरहेको छ।

निर्वाचन पूर्व तालिम लिईसकेका म्यादी प्रहरी हरूलाई लामो तथा छोटो दुरी गस्ती, उम्मेदवारहरूको बिभिन्न घरदैलो कार्यक्रम तथा चुनाव प्रचार प्रसारका बेला सुरक्षाको निमित्त खटाईने पाठकले जानकारी दिनुभयो।

नवलपुरमा आगामी मंसिर ४ गते हुने निर्वाचनका लागि ४२४ महिला र ८६२ पुरूष सहित १२८६ म्यादी प्रहरी खटाईनेछ।