सवारीले ल्यायो चालकहरुका लागि हरेक महिना टिभी र मोबाइल जित्ने अफर

१६४ पटक पढिएको

राइड सेयरिङ प्लाटफर्म ‘सवारी’ ले सवारीमा आवद्ध भएका चालकहरुलाई विशेष अफर प्रदान गर्ने भएको छ। कार्तिक १५ गतेबाट चालकहरुका लागि भन्दै सवारीले विशेष अफर सार्वजनिक गरेको हो ।

विशेष अफर अन्तर्गत हरेक महिना सवारीमा आवद्ध भएका चालकहरुले एलइडी (स्मार्ट) टिभी र मोबाइल प्राप्त गर्नेछन् ।

काठमाण्डौँ, भैरहवा, बुटवल, भरतपुर  पोखरा र सवारीले चालकहरुको लागि पुरस्कार सहितको विशेष अफर ल्याएको सवारीका सीइओ शेरबहादुर शाहले बताउनुभयो ।

कार्तिक १५ गतेबाट सुरु हुने विशेष अफरमा आवद्ध हुनको लागि चालकहरुले मोबाइल एप्लीकेशन मार्फत कम्तिमा पाँचपटक यात्रुहरु पीकअप गरेको हुनुपर्ने छ।

सवारीप्रति चालहरुको आर्कषण बढाउन र बजार प्रबर्द्धन गर्न यस्तो कार्यक्रम ल्याइएको शाहले बताउनुभयो।

मंसिर १५ गते लक्की ड्र मार्फत विजेता घोषणा गरिने छ। जि एण्ड जी ग्रुपद्धारा सञ्चालित सवारी नेपालले काठमान्डौ, पोखरा, भरतपुर र भैरहवा र बुटवलबाट सेवा प्रवाह गरिरहेको छ ।

सवारीको सेवा लिनका लागि ग्राहकहरुले मोबाइलमा सवारीको एप्लीकेशन डाउनलोड गर्नुपर्नेहुन्छ । Savari Taxi Auto & Bike लेखिएको सवारीको एप्लीकेशन डाउनलोड गरेर ग्राहकहरुले सो मार्फत सेवा लिन सक्ने उहाँले बताउनुभयो ।

 

सम्बन्धित समाचार:

राइड सेयरिङ प्लेटफर्म ‘सभारी’ को चितवनमा सेवा बिस्तार