‘छड्के २’ फागुन १९ बाट प्रदर्शनमा आउने

५०८ पटक पढिएको

अभिनेता अनमोल केसीले अभिनय गरेको फिल्म ‘छड्के २’ फागुन १९ बाट प्रदर्शनमा आउने भएको छ ।

मंगलबार फिल्मको निर्माण युनिटले एक पोष्टरसहित फिल्म रिलिज गर्ने मिति सार्बजनिक गरेको थियो।

‘छड्के २’ अनमोल ग्याङस्टारको भूमिकामा देखिन लागेको फिल्म हो । पोष्टरमा पनि उनी लामो कपाल र कालो चस्मामा बाइक चलाउँदै देखिएका छन् भने उनको  पछाडि ग्याङस्टार हुलियामा केही केटाहरू बाइकमा सवार छन् ।
ग्याङस्टारको कथामा बनेको फिल्म निगम श्रेष्ठले निर्देशन गरेका हुन् ।

निर्देशक श्रेष्ठको लेखन समेत रहेको फिल्ममा रोविन तामाङ, कमलमणि नेपाल, रेशा आलेमगर लगायतको अभिनय छ । फिल्मको निर्मातामा प्रशान्त गिरी र देवकुमार श्रेष्ठ हुन् ।

लक्ष्मण काफ्ले र निर्भाना फिल्म स्कूल कार्यकारी निर्माता रहेको फिल्मको चितवन र मुस्ताङमा छायांकन भएको हो ।