बझाङ केन्द्रबिन्दु भएर ५.७ म्याग्निच्यूडको भूकम्प

१८३ पटक पढिएको

नेपालमा फेरि भूकम्प गएको छ ।  राष्ट्रिय भूकम्प मापन केन्द्रका अनुसार बझाङ जिल्लाको खप्तड छान्ना गाउँपालिका पाटादेवल आसपास केन्द्रबिन्दु भएर ५ दशमलव ४ म्याग्निच्यूडको भूकम्प गएको हो ।

यसअघि डोटी केन्द्र भएर मंगलबार राति ९ बजेर सात मिनेटमा डोटीको खप्तड राष्ट्रिय निकुञ्ज आसपास केन्द्रबिन्दु भएर ५ दशमलव ७ म्याग्निच्यूडको भूकम्प गएको थियो ।

बुधबार बिहान २ बजेर १२ मिनेट डोटीकै खप्तड निकुञ्ज नै केन्द्रबिन्दु भएर ६ दशमलव ६ म्याग्निच्यूडको भूकम्प गएको थियो । उक्त भूकम्पमा परेर जाँदा ६ जनाको मृत्यु भएको थियो । भूकम्पले १० घर भत्काउँदा आठ जना घाइते भएका थिए ।