अवैध लागूऔषध सहित तीन जना पक्राउ

अवैध लागूऔषध ब्राउन सुगरजस्तो देखिने पदार्थ करिब ५ ग्राम सहित दाङ घोराही उपमहानगरपालिका-३ बस्ने २७ वर्षीय सागर जिसि समेत ३ जनालाई आइतबार राती प्रहरीले पक्राउ गरेको छ ।

नेपालगंज उपमहानगरपालिका-४ बसपार्कस्थित एक होटलमा बसेका उनीहरूले अवैध लागूऔषध सेवन गरिरहेको भन्ने सूचनाको आधारमा बाँकेबाट खटिएको प्रहरीले उनीहरूलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ।