“जैमिनी मेला २०७९” पौष २९ देखि सुरू

७१५ पटक पढिएको

प्रकाश भण्डारी। बाग्लुङको कुश्मिसेरामा पौष २९ गतेदेखि “जैमिनी मेला २०७९” सुरू हुने भएको छ।

स्थानीय कला संस्कृति तथा खेलकुदको सम्बर्द्धन, कृषि उद्योग व्यापार तथा पर्यटनको प्रवर्द्धन” भन्ने मूल नाराका साथ जैमिनी नगरपालिकाको कुश्मिसेरामा महोत्सव सुरु हुन लागेको हो।

सहारा क्लव कुश्मिसेराको आयोजना तथा जैमिनी नगरपालिकाको मुख्य सहयोगमा संचालन हुने मेला माघ ५ गतेसम्म चल्ने सहारा क्लबका अध्यक्ष सुरेश सुनारले नवलपुर अनलाइनलाई बताए।

मेलामा करिब १ लाख ५ हजार दर्शकले अवलोकन गर्ने आंकलन रहेको सुनारको बताए।

मेलाका मुख्य आकर्षणहरू:

• पालिका स्तरीय खुल्ला पुरूष भलिवल प्रतियोगिता
• खुल्ला महिला भलिवल प्रतियोगिता
• मा.वि स्तरीय हाजिरीजवाफ प्रतियोगिता
• जैमिनी डान्स आइडल
• धौलागिरी अञ्चल स्तरीय खुल्ला पुरूष डबल ब्याडमिन्टन प्रतियोगिता
• जैमिनी नगरस्तरीय खुल्ला पुरूष डबल बि लेभल ब्याडमिन्टन प्रतियोगिता
• खुल्ला रत्यौली प्रतियोगिता
• कृषि तथा पशु प्रर्दशनी
• शैक्षिक सामाग्री प्रर्दशन (विज्ञान, वातावरण र सूचना प्रविधि सम्बन्धि)
• झाँकी तथा हस्तकला प्रर्दशनी

बिभिन्न प्रतियोगितामा बिजेता हुने टीम तथा सहभागीलाई न्यूनतम ५ हजार ५ सय ५५ देखि १ लाख ११ हजार १ सय ११ सम्मको पुरस्कार तथा ट्रफी, मेडल र प्रमाणपत्रको व्यवस्था गरिएको आयोजकले जनाएको छ।

मुख्य आयोजक, मुख्य प्रायोजक, सहप्रायोजक, प्रर्वद्धक, प्रतियोगितात्मक प्रायोजक,लाई क्लवले बिभिन्न स्टल तथा ब्यानर र प्रचार प्रसारमा बिभिन्न सुविधाहरू समेत प्रदान गर्ने सुनारले बताए।