अवैध रुपमा ल्याउँदै गरेको ४ लाख मुल्य बराबरको पशु चौपाया वरामद

१५४ पटक पढिएको

नवलपुर। भारतबाट अवैध रुपमा ल्याउँदै गरेको ४ लाख मुल्य बराबरको पशु चौपाया नवलपरासी पश्चिम प्रहरीले बरामद गरेको छ।

खुल्ला सीमानाको फाइदा उठाई अबैध रुपमा पशु चौपायाहरु ल्याईरहेको अवस्थामा पाल्हिनन्दन ६ पडरीबाट ३ भैँसी सहित २ पाडाहरू बरामद गरेको नवलपरासी पश्चिम प्रहरी नायव उपरीक्षक भोजराज पाण्डेयले बताउनुभयो।

प्रहरी चौकी सनईबाट खटिएको प्रहरी टोली र शशस्त्र प्रहरी बल (बिओपी) हरपुर बाट खटिएको संयुक्त टोलीले उक्त पशु चौपाया बरामद गरि आवश्यक कारवाहीको लागि महेशपुर भन्सार कार्यालय पठाईएको पाण्डेयले जानकारी गराउनुभयो।