चाैथाे देवचुली महोत्सव भोलिदेखि सुरू

भोलि  माघ ५ गते देखि १५ गतेसम्म १० दिन संचालन हुन गईरहेको महोत्सवमा डेढलाख भन्दा बढि दर्शकले अवलोकन गर्ने लक्ष्य राखिएको देवचुली उद्योग वाणिज्य संघका अध्यक्ष सुर्यप्रसाद दवाडीले जानकारी बताउनुभयो।

नवलपुर जिल्लाको समग्र आर्थिक, साँस्कृतिक तथा सामाजिक उत्थानका लागि शिक्षा, कृषि, पर्यटन, व्यापार, स्वास्थ्य क्षेत्रको प्रवद्धर्नमा टेवा पुर्याउने उद्धेश्यले महोत्सवको आयोजना गर्न लागिएको हाे ।

महाेत्सवबाट करिब  १५ करोडको आर्थिक कारोवारको लक्ष्य राखिएकाे आयाेजकले जनाएकाे छ । देवचुली नगरपालिका १७ स्थित फारम बरचुली माध्यमिक विद्यालयसँगैको खुल्ला मैदानमा हुने महाेत्सवकाे ९० प्रतिशत काम सकिएकाे छ ।

महोत्सवमा बाल उद्यान, विभिन्न प्रकारका पिङ तथा झुलाहरु, कृषि प्रदर्शनी, बालमैत्री सामग्री प्रदर्शनी, संग्राहलय सामग्री प्रदर्शनी, विज्ञान कला प्रदर्शनी, जातीय पहिचान झल्कने घर र सामग्री प्रदर्शनी, औद्योगिक उत्पादनहरुको प्रदर्शनी, कल्चर स्टे प्रदर्शनी र कृषि ता पर्यटनको सिकाइ प्रदर्शनीमा रहनेछन् ।