त्रिभुवन विमानस्थलको आन्तरिक टर्मिनल प्रमुख घुस रकमसहित पक्राउ

१८९ पटक पढिएको

काठमाडौं । त्रिभुवन अन्तर्राष्ट्रिय विमानस्थलको आन्तरिक टर्मिनल प्रमुख पूर्णप्रसाद चुँडाल पक्राउ परेका छन् ।

अख्तियार दुरुपयोग अनुसन्धान आयोगले चुँडाललाई पक्राउ गरेको हाे । चुँडाललाई अख्तियारबाट खटिएको टोलीले विमानस्थल प्रहरीको सहयोगमा नियन्त्रणमा लिइएको स्राेतकाे भनाइ छ ।

एयरपोर्ट (आन्तरिक टर्मिनल) सम्म आवातजावत गर्न पास उपलब्ध गराई सहजीकरण गरिदिएको भनी सेवाग्राहीसँग एकलाख पचास हजार रूपैँया घुस लिईसकेको अवस्थामा कार्यकक्षबाट पक्राउ परेका थिए।

साथै खानतलासी गर्दा निजको कार्यकक्ष भित्र रहेको स्टिलको दराजबाट स्रोत नखुलेको नगद आठ लाख रुपैयाँ समेत बरामद गरी थप अनुसन्धान भइरहेको अख्तियारका प्रवक्ता श्यामप्रसाद भण्डारीले जानकारी दिनुभयाे।