कालिञ्चोक दर्शनको आईपीओ भोलि बाँडफाँट हुने, १३ लाखको हात खाली

२३८ पटक पढिएको

काठमाडौं । कालिञ्चोक दर्शन लिमिटेडको आईपीओ माघ १९ गते अर्थात् बिहीवार बाँडफाँट हुने भएको छ।

बिक्री प्रबन्धक नबिल इन्भेष्टमेन्ट बैंकिङका अनुसार बिहीबार बिहान ९ः३० बजे आफ्नै कार्यालय नारायणचौर नक्साल, काठमाडौंमा बाँडफाँट गर्ने भएको छ।

यसको प्री–अलोटमेन्ट माघ १६ गते सम्पन्न भएको छ । कम्पनीको आईपीओमा मागभन्दा १८ दशमलव ५२ गुणा बढी आवेदन परेको छ । यस आधारमा गोलाप्रथाबाट आईपीओ बाँडफाँट हुनेछ ।

आईपीओमा १४ लाख ३२ हजार ८८१ जनाले कुल १ करोड ६६ लाख ८ हजार कित्ताको लागि आवेदन दिएका छन् । तीमध्ये ८९ हजार ६४० जनालाई मात्र शेयर प्राप्त हुनेछ । बाँकी १३ लाख ४३ हजार २४१ जनाको भने हात खाली हुनेछ । कम्पनीले माघ ३ गतेदेखि माघ ६ गतेसम्म सर्वसाधारणका लागि रू. १० करोड ८० लाख बराबरको १० लाख ८० हजार कित्ता आइपीओ निष्कासन गरेको थियो ।