कावासोतीमा जारी दोश्रो त्रिपिटक (कङ्ग्यूर) महापूजाको तेश्रो दिन सर्वधर्म महामिलन

१९५ पटक पढिएको

यामु कुमाल, कावासोती। नवलपुरको कावासोतीमा जारी दोश्रो विश्वशान्ति त्रिपिटक अर्थात् कङ्ग्यूर महापूजाको तेश्रो दिन सर्वधर्म महामिलन कार्यक्रममा सबै धर्मगुरुहरुद्धारा प्रवचन गरिएको छ ।

यहीँ माघ १६ गते सोमबारदेखि सुरु भएको कङ्ग्यूर महापूजाको तेश्रोदिन पिठाधिश् देवघाटका श्री एक हजार आठ स्वामी ज्ञानानन्द सरस्वती महाराजको प्रमुख आतिथ्यता रहेको थियो । त्रिपिटक अर्थात् कङ्ग्यूर महापूजामा श्री एक हजार आठ स्वामी ज्ञानानन्द सरस्वती महाराजाले भगवान् र मनुष्यको सम्वन्ध नङमासुको सम्वन्ध भएको बताउनु भएको छ ।

मनुष्य असल कर्मद्धारा भगवानको सम्मान गर्दै अर्थात् भगवानलाई सम्मान गर्नु भनेको जगतका सम्पूर्ण प्राणीको सम्मान र कसैप्रति रुष्ट भावना नराखी कर्म गर्नु पर्नेमा उहाँको भनाइ छ । बाईट । जिल्लाको कावासोती नगरपालिका ३ मा रहेको बरचुली बौद्ध गुम्बाको आयोजनामा दोश्रो कङ्ग्यूर महापूजा भइरहेको छ । महापूजा २२ गतेसम्म हुने छ ।

विश्वका सम्पूर्ण मानव कलयाण र प्राणी जगतको उद्धारको निम्ती पूजा पाठ , जप तप , प्रार्थना , बन्दना गरी प्रत्येक मनुष्यमा आध्यात्मिक चिन्तनका साथै अहिंसा , शान्ति , सत्य र न्यायको मार्ग अबलम्वन गरी मानवविच तनाव द्धन्द्ध अन्त्य होस् भन्ने उदेश्यका साथ कङ्ग्यूर महापूजा सञ्चालन भएको हो ।

महापूजाको तेश्रोदिन बौद्ध धर्म तर्फ खेन्पो दशरथ गुरुङ , ब्रम्हकुमार राजु घले ओमशान्ति , आत्माज्ञान राधा स्वामी , साइराम श्री मनिष सापकोटा , मानव धर्म केन्द्रीय प्रमुख चमेलीबाइजी , इस्लाम धर्म , क्रिश्चियन धर्मको प्रवचन भएको थियो । बाईट । कावासोतीमा बरचुली बौद्ध गुम्बाद्धारा सबै धर्मको मिलन हुनेगरी दोश्रो विश्वशान्ति त्रिपिटक अर्थात् कङ्ग्यूर महापूजा गर्नु उदाहरणिय कार्य भएको सबैधर्म गुरुले बताएका छन् ।

यो विश्वशान्ति पूजाले समुदायलाई मात्र नभइ सम्पूर्ण राष्ट्रलाई विभिन्न धर्म संस्कृति, जातजाति भएपनि सम्पूर्ण एक आत्मा हो , एक परम आत्माको सन्तान हाँ अर्थात् एकै फूलबारीमा माली हौँ भन्ने सन्देश दिने ब्रम्हकुमार राजु घलेले बताउनु भयो । मानिसले आफ्नो आन्तरिक रुपमा मनमस्तिक शुद्धिकरण हुदैन गर्दै मानवबिच द्धन्द्ध होइन एकताको भावना विकास गर्नमा यो कार्यक्रमले टेवा पु¥याउने उहाँको विश्वास छ । बाईट ।

यस्तै गरी माघ १९ गते दोश्रो विश्वशान्ति त्रिपिटक महापूजाको चौथोदिन धर्मगुरुहरु र विद्धान व्यक्तित्वहरुको सम्मेलन हुनेछ । चौथोदिन नेपाल प्रज्ञा प्रतिष्ठानका उपकुलपति डाक्टर जगमान गुरुङ, गुरुङ राष्ट्रिय परिषद्का केन्त्द्रीय अध्यक्ष्न कर्ण वहादुर गुरुङ , तमू प्ये ल्हू स्रंघका केन्द्रीय अध्यक्ष हितकाजी टु तमु र तमु धीँ नेपालका केन्द्रीय अध्यक्ष होम वहादुर गुरुङ लगायतको विशेष आतिथ्यता रहने आयोजकले जनाएको छ । विश्वशान्ति त्रिपिटिक पाठवाचनमा बौद्ध धर्मग्रन्थको १०८ ठेली पुस्तक १०१ जना श्रद्धेय लामा गुरुहरुबाट वाचन पनि भइरहेको छ । महापूजामा संकलित धनराशिले उक्त गुम्बा परिसरमा आवश्यक भौतिक संरचना निर्माण गरी जिललाको नै नमुना बौद्ध धार्मिक पर्यटकीय तिर्थस्थल निर्माण गर्ने मूल उदेश्य छ ।

महापूजाको पाचौँ दिन २० गते प्रमुख वाचक धर्मगुरुहरुद्धारा प्रवचन हुने , छैटौँ दिन २१ गते पूजापाठ, हवन , चौरासी पूजा , तुला दान र २२ गते खेन्पो सिर लामा गुरुङबाट वाङ्ग अभिषेक र टप्चे कार्यक्रम रहने छ । जिल्ला बासीलाई दान नै पूण्य हो , पुण्य नै धर्म हो भन्ने पवित्र भावनाका साथ श्रद्धालु भक्तजनहरुमा दोश्रो विश्वशान्ति त्रिपिटक महापूजाको अवसरमा दान दक्षिणाको महिमालाई हृदयगंम गरी आफ्नो क्षमता अनुसार दान , भूमिदान , श्राम दान गर्न आयोजकले अनुरोध गरेको छ ।