दोस्रो गैँडाकोट मेयर कप टी–ट्वान्टी क्रिक्रेट प्रतियोगिता माघ २६ देखि सुरू

नवलपुरको गैँडाकोटमा माघ २६ गतेदेखि फागुन १  गतेसम्म ‘दोस्रो गैँडाकोट मेयर कप टी–ट्वान्टी क्रिक्रेट प्रतियोगिता २०७९’ हुने भएको छ । विगतका वर्षमा जस्तै यसवर्षपनि मेयरकप टी ट्वान्टी क्रिकेटलाई निरन्तरता दिइएको नवजागरण ग्रामीण विकास केन्द्रका अध्यक्ष रामचन्द्र सापकोटाले बताउनुभयो ।

गण्डकी प्रदेशका ६ सहित नवलपरासी पश्चिम र चितवन सहित विभिन्न आठ जिल्लाबाट खेलाडीहरु ‘दोस्रो गैँडाकोट मेयर कप टी–ट्वान्टी क्रिक्रेट प्रतियोगितामा सहभागी हुनेछन्। नवलपुर,बाग्लुङ,पर्वत,नवलपरासी,तनहुँ, स्याङ्जा, कास्की र चितवनको टिमवीच प्रतिस्पर्धा हुने र उद्घाटन खेल नवलपुर र पर्वतवीच हुनेछ।

प्रतियोगितामा विजेता टिमले २ लाख र उपविजेताले १ लाख ५० हजार नगद सहित कप,मेडल र प्रमाणपत्र प्राप्त गर्नेछन्।त्यस्तै अन्य विभिन्न विधा म्यान अफ द सिरिजलाई १० हजार,इमर्जिङ प्लेयरलाई ७ हजार,बेस्ट ब्याट्स म्यान,बेस्ट बलर,बेस्ट किपर,बेस्ट फिल्डरलाई ५/५ हजार र म्यान अफ द म्याचलाई १ हजार पाँच सय नगद सहित कप,मेडल र प्रमाणपत्र प्रदान गरिने आयोजकले जनाएको छ ।

कार्यक्रममा गैँडाकोट नगरपालिकाका नगरप्रमुख मदनभक्त अधिकारी, गैँडाकोट ९ का वडाअध्यक्ष धामनाथ सापकोटा, नेपाल क्रिक्रेट संघ गण्डकी प्रदेशका कोषाध्यक्ष प्रकाश पौडेल, प्रतियोगिताका सह संयोजक विष्णुप्रसाद कडेल लगायतले प्रतियोगिताको बारेमा प्रष्ट पार्नुभएको थियो।