गैँडाकोटमा एउटै वडाका २ महिलाले गरे आत्महत्या

३३५ पटक पढिएको

गैँडाकोट । नवलपुरको गैँडाकोटमा एउटै वडाका दुई महिलाले आत्महत्या गरेका छन् ।

गैँडाकोट नगरपालिका वडा नं. ५ स्थित भवानी टोल र ओमशान्तिचोकमा २ जना महिलाले आफ्नै कोठाको पंखामा सलको पासो लगाई आत्महत्या गरेको जिल्ला प्रहरी कार्यालय नवलपुरले जनाएको छ ।
विहान ९ वजे गैँडाकोट ५ ओमशान्तिचोक बस्ने २५ वर्षीया भगवती तामाङ (पुरी) ले र अन्दाजी १०:३० वजे गैँडाकोट ५ भवानी टोल बस्ने सोभा क्षेत्री (सुवेदी) ले कोठाको पंखामा सलको पासो लगाएर आत्महत्या गरेका हुन् ।

प्रहरीले आत्महत्याको कारण खुल्न नसकेको र अनुसन्धान जारी रहेको जनाएको छ ।