नेप्से परिसूचक २१.१५ अङ्कले घट्यो

४४५ पटक पढिएको

काठमाडौँ। बिहीबार नेप्से परिसूचक २१.१५ अङ्क घटेर २०७०.४१ बिन्दुमा झरेको छ ।

आज कारोबारमा आएका २५६ कम्पनीको ४७ लाख ४७ हजार ५६७ कित्ता शेयर कारोबार भएको छ भने एक अर्ब ६८ करोड ४९ लाख ४२ हजार रुपियाँ बराबरको खरिदबिक्री भएको छ ।

बुधबारको तुलनामा आज नेप्से कारोबार रकम पनि गिरावट आएको छ । आज नेप्सेका १३ वटै उपसमूहको परिसूचक घटेको छ । जसमध्ये उत्पादन तथा प्रशोधन उपसमूहको परिसूचक १.९३ प्रतिशत घटेको छ । त्यस्तै, होटल तथा पर्यटन, वित्त, विकास बैंक, जलविद्युत, लगानी र निर्जीवन बीमा उपसमूहको परिसूचक १ प्रतिशतभन्दा बढीले घटेको छ ।