त्रिभुवन विमानस्थलको सर्भर डाउन हुँदा उडान प्रभावित

३८४ पटक पढिएको

काठमाडौँ । त्रिभुवन अन्तर्राष्ट्रिय विमानस्थलको अध्यागमन विभागको प्रशासनिक सर्भर डाउन हुँदा उडान प्रभावित भएका छन्।

आज दिउँसो करिब १ बजेदेखि विमानस्थलको अध्यागमन विभागमा सफ्टवेयरमा समस्या आउँदा अन्तर्राष्ट्रिय उडानहरू प्रभावित हुन पुगेको टीआईएका प्रवक्ता टेकनाथ सिटौलाले जानकारी दिए ।

‘केही समयदेखि अध्यागमनको सफ्टवेयरमा समस्या देखिएकोले समाधानका लागि प्राविधिक टोलिहरुले काम गरिरहेको उनले बताए।

सर्भर डाउन हुँदा अध्यागमनको डिपाचर, इम्रिग्रेसनको काम रोकिँदा उडानहरू समेत प्रभावित हुन पुगेका छन्।  अध्यागमनमा सञ्चालित सफ्टवेयर समेत सिंहदरबारकै भएकाले त्यहाँ समस्या आउँदा यता पनि सोहीँ समस्या देखिने गरेको सिटौलाको बताए।