नवलपुर ट्याक्टर दुर्घटनामा एकको मृत्यु, दुईजना घाइते

नवलपुरको विनयी त्रिवेणी गाउँपालिका-४ काभ्रेली चोक स्थित भित्री सडकखण्डमा गएराती  लु४त ३०४६ नम्बरको ट्याक्टर दुर्घटना हुँदा एक जनाको निधन भएको छ भने दुई जना घाइते भएका छन् ।

दुर्घटनामा परी घाईते भएका सोही स्थानका अन्दाजी १३ वर्षीय बालक बविन क्षेत्रीको उपचारको क्रममा मध्यविन्दु जिल्ला अस्पताल डण्डामा निधन भएको छ।  ट्याक्टर चालक लक्ष्मण क्षेत्री र २८ वर्षीया महिला डुग्गी कुँवर क्षेत्री घाईते भएको जिल्ला प्रहरी कार्यालय नवलपुरले बताएको छ।  घाईतेको मध्यविन्दु जिल्ला अस्पतालमा उपचार भईरहेको छ । ट्याक्टर अनियन्त्रित भै  स्थानीय गणेश प्रसाद बस्यालको घरमा ठोक्किन गएकोले घरमा केही क्षति भएको प्रहरीको भनाई छ।