पत्रकार फेलोसिप कार्यक्रम घोषणा, प्रथम हुनेले पाउनेछन् १ लाख पुरस्कार

४५४ पटक पढिएको

नेपाल पत्रकार महासंघसंगको सहकार्यमा बैंक तथा वित्तीय संस्था परिसंघ र नेपाल बिजनेस इन्टिस्च्युटले पत्रकारहरुबीच राष्ट्रब्यापी लेख लेखन प्रतियोगिता (नेशनल जर्नालिस्ट फेलोसीप प्रोगाम २०२३) सुरु गरेका छन् ।

वर्तमान अवस्थामा देखिएका आर्थिक समस्याहरुको समाधान र यसको रोडम्यापबारे राष्ट्रियस्तरमा बहस पैरवी गर्दै समाधानको निचोड निकाल्नका लागि प्रतियोगीता आयोजना गरिएको आयोजकले जनाएका छन् ।

वर्तमान आर्थिक परिदृश्य र समृद्धिको मार्गचित्र विषयमा २ हजार ५०० शब्द नबढ्ने गरी देशभरका पत्रपत्रिका, रेडियो, टेलिभिजन, अनलाइन सञ्चारमाध्यममा कार्यरत पत्रकारहरु र स्तम्भकारहरुले लेख पठाउन सक्ने नेपाल पत्रकार महासंघका अध्यक्ष बिपुल पोख्रेलले जानकारी दिए ।

उत्कृष्ट १५ लेखका लेखकलाई प्रधानमन्त्रीको हातबाट प्रमाणपत्रका साथै प्रथम, द्वितिय, तृतीय, चौथो र पाँचौ पुरस्कारकारुपमा क्रमशः १ लाख, ७५ हजार, ५० हजार, २५ हजार र १५ हजार रुपैयाँदरले सम्मान गरिने छ । साथै उत्कृष्ट १० लेखलाई प्रति लेखबापत १० हजारका दरले नगद तथा प्रमाणपत्र मार्फत प्रोत्साहन रकम उपलब्ध गराइने आयोजकले जनाएका छन् ।थप जानकारी यो लिङ्कमा गएर प्राप्त गर्न सक्नुहुनेछ।