गैँडाकोटमा जारि महोत्सवमा आज गायक शिव हमाल आउने

२६३ पटक पढिएको

नवलपुरको गैँडाकोटमा जारी ‘प्रथम गण्डकी प्रदेशस्तरीय औद्योगिक व्यापार मेला–२०७९’ मा आज चर्चित गायक शिव हमालको प्रस्तुती रहने  छ।

शनिबार महोत्सवको सांस्कृतिक कार्यक्रममा शिव हमाल, सुप्रिम मल्ल, जमुना राना लगायतका कलाकारहरुको प्रस्तुती रहने मेलाको सांस्कृतिक कार्यक्रम संयोजक किशोर लम्सालले बताए।
शुक्रबार चर्चित लोकदोहोरी गायक बद्रि पंगेनी सहित सुशीला गौतम र मोडल तथा डान्सर आरुसी मगरलगायतका कलाकारहरुले प्रस्तुती रहेको थियो।

फागुन २१ गतेदेखि गैँडाकोट–२ स्थित नारायणी नदी किनारमा सुरु भएको प्रथम गण्डकी प्रदेशस्तरीय औद्योगिक व्यापार मेला चैत्र १ गते सम्म चल्नेछ।